########################
အရှင်သာရိပုတ္တရာ တို့ အရှင်မဟာမောဂ္ဂလာန်တို့ ...
စားတဲ့ သောက်တဲ့ အခါ နေတဲ့ ထိုင်တဲ့အခါ
မရှိတာကို မရှာနဲ့ တဲ့နော်။
မရှိတာ ... မရှာရဘူးတဲ့ ။
ရသမျှနဲ့ ရောင့်ရဲ တင်းတိမ်ရမယ်လို့ မဟောဘူးလား။
မြတ်စွာဘုရား ကျောင်းတော် ရောက်တဲ့အခါ...
ကျောင်းဒကာတွေ ရောက်ကြတာပေါ့။ ဘုရား ဒကာတွေပေါ့။
အရှင် သာရိပုတ္တရာ မမြင်ပကား ဘုရား လို့ မလျှောက်ကြဘူးလား။
ကြက်ဆူပင်တောမှာ သဲခင်း လို့ နေတယ်တဲ့။
သဲခင်းတယ် ဆိုတော့ ဖျာ မပါဘူးကွဲ့။
ကောဇောတွေကား ပါသေးလားဟေ့...။ ပါပါဘူး။
ဟော... အုတ်တွေ ဘာတွေနဲ့ ဆောက်ထားတဲ့ တိုက်ကား တွေ့ရဲ့လား။ပျဉ်တွေ ထောင်ထားတာကား တွေ့ရဲ့လား။
ကြက်ဆူပင် ကျောင်း လုပ်တာ ကွဲ့။
စဉ်းစားဖို့ မကောင်းလား။
မရှိတာ... မရှာနဲ့နော်။
ရှိတဲ့... ဒါ ဒကာပေါ်ပေါက်လာရင်လည်း သီတင်းသုံးနိုင်တာပေါ့။
စဉ်းစားဖို့ မကောင်းလား။
ဘာလုပ်ပေးပါ ညာလုပ်ပေးပါတွေ ပါသေးရဲ့လား။
ပါဘူးဟေ့...။
စဉ်းစားနော်။
အာသဝေါတရား လေးပါး ကုန်မှ နိဗ္ဗာန်ရတယ်လို့ ကား မဟောလား။
ကုန်တာ ကွဲ့...။
စဉ်းစားဖို့ မကောင်းလား။
အခုက ဟိုနား ဟိုမြို့သွားလိုက်...
အဲဒီ အဆောက်အဦး မြင်ရင် လိုချင်ပြန်ပြီ။
ငါလည်း တတ်နိုင်ရင် လုပ်ဦးမဟေ့... ဒါလေးလို ။
ကြားလား...။
မရှိလို့သာ နေရတယ်။
ရှိရင် လုပ်ဦးမှာပေါ့။
လိုချင်လို့ချည်း နေတော့တာနော်။
ဒါ လိုချင်တာ... ခန္ဓာအကျိုး အပြစ်ကို သိလို့လား မသိလို့လား။
မသိတာ... အဝိဇ္ဇာ။ လိုချင်တာ... ဘယ်သူလဲ။
အေး လိုချင်တာ... တဏှာကွဲ့။
စိစစ်ဖို့ မကောင်းလား။
ကြောက်စရာ မကောင်းလား။
သိတဲ့ ပုဂ္ဂိုလ်က သိတော့... ပယ်တော့တာနော်။
ရသမျှနဲ့ ရောင့်ရဲ တင်းတိမ်တယ်... ကြားလား။
အဲဒါကြောင့် အဲလို သိတဲ့ ပုဂ္ဂိုလ်...
ဟော ကိုယ်နေဖို့... မိုးလုံရင် တော်ပြီ ။ လေလုံရင် တော်ပြီနော်။
အဝတ်ကလည်း ... အရှက်လုံရင် တော်ပြီပေါ့။
စားရင်လည်း ဗိုက်ပြည့်ဖို့ လိုရင်းစွဲပေါ့။
အဲသလို ရသမျှနဲ့ ရောင့်ရဲ တင်းတိမ်တာပေါ့နော်။
စိတ်ကို နိုင်တော့ မချမ်းသာဘူးလား။
စိတ်ကို နိုင်မှ ချမ်းသာရတယ်ကွဲ့။
အဲလို စိစစ်ဖို့ လိုတယ်နော်။ ထိထိမိမိ လေ့လာကြ။
တခါ မျက်စိမကောင်းတဲ့ လူဆိုတာ လည်း ...
ကျန်းမာရေး နဲ့ ပတ်သက်ပြီးတော့မှ ...
အဲဒီမျက်စိနဲ့ တော်တဲ့ မျက်မှန်ကို တပ်ရတာ။ ဒါမှ ပိုမြင်တယ်နော်။
မျက်စိကောင်းတဲ့ ပုဂ္ဂိုလ်က တပ်စရာ လိုသေးရဲ့လား။
တချို့ မျက်စိလည်း ကောင်းတယ်။ မျက်မှန် တပ်သေးတာကွဲ့။
အဲသလို ပုဂ္ဂိုလ်ကျတော့... ဒီလူဟာ မျက်စိ မကောင်းဘူးလို့
အထင်သေးတော့တာဗျား။
ကိုယ်ကတော့... ပါဝါရှိတယ်လို့ ထင်တာ။
မင်းဟာ... မျက်စိမကောင်းဘူး ညံ့တယ်။
မျက်မှန် မတပ်တော့ မျက်စိကောင်းတာပေါ့ဟ...။
ဒီလို မယူဆဘူးလား။
စဉ်းစားဦး...။
အပွေးမြင်တော့ အပင် သိတယ်တဲ့နော်။
အဲသလို လေ့လာဖို့ မကောင်းလား။
သိမှ ပယ်နိုင်တာနော်။
မသိ ... ပယ်နိုင်ပါ့မလား။
ကျေးဇူးတော်ရှင် မုံလယ်ဆရာတော်ဘုရားကြီး
အဂ္ဂမဟာကမ္မဋ္ဌာနာစရိယ ဘဒ္ဒန္တ သံဝရ။
ရှေးတိပ်တရားတော် mc.53မှ အသံတော် အတိုင်း စာစီပူဇော်ပါသည်။
အရှင်တေဇနိယ မုံလယ်ဇ။
No comments:
Post a Comment