သူခိုး အစစ်ကို မဖမ်းမိဘူး။

##################

ဝဋ် အနေနဲ့ ကိလေသဝဋ် ကမ္မဝဋ် ဝိပါကဝဋ်။ ဟုတ်ကဲ့လားဟေ့။
စဉ်းစားနော်။
အဲဒါ... ကိလေသဝဋ် ကမ္မဝဋ် ဝိပါကဝဋ် လို့ မဟောဘူးလား။
စဉ်းစား။ စဉ်းစား။

ဒါကြောင့်... ကာယကံ ဝစီကံ မနောကံ။
ကံကို ယုံကြည်ပြီးတော့မှ...
အဲဒါ သစ္စာအနေနဲ့
အကြောင်း အကျိုးသိဖို့ လိုသေးတယ်ကွဲ့နော်။

ဒါတော့... တဏှာ ဥပါဒါန် ကံ။ ၃-အကွက်မှာလေ။
သစ္စာဖွဲ့တော့ ဘာသစ္စာလဲ။....?။
တဏှာ ဥပါဒါန် ကံ သစ္စာဖွဲ့တော့ ဘာသစ္စာလဲ။
သမုဒယသစ္စာနော်။

ကဲ အဲတော့ သမုဒယသစ္စာဆိုတော့ကာ ...
ကိလေသဝဋ် ကမ္မဝဋ် ဝိပါကဝဋ်လို့
 ဝဋ်ကျတော့ သုံးမျိုး မရဘူးလား။

ကာယကံ ဝစီကံ မနောကံနော်။
ကာယကံနဲ့ ပတ်သက်တဲ့ အကုသိုလ် ၊ ဝစီကံနဲ့ ပတ်သက်တဲ့ အကုသိုလ်၊ မနောကံနဲ့ ပတ်သက်တဲ့ အကုသိုလ် လို့ မပြောဘူးလား။
အဲဒီကံကြောင့် အကုသိုလ် ဖြစ်တယ်လို့ မယူဘူးလား။
ဒါ ပြန်ပြီးတော့ ကံကြောင့် အကုသိုလ် ဖြစ်တယ် ဆိုတဲ့ကိစ္စ ... ပြန်ဆန်းစစ်။
အရင်းစစ်တော့ အမြစ်မြေက လို့ မဟောဘူးလား။
အဲဒီကံတွေ ဘာမှ ကြောက်စရာ မရှိဘူး ကွဲ့။

သူက အကျိုးတရား။
အကျိုးတရား ... သူ့ကို ဘယ်နှယ့်ကြောင့် သစ္စာ...
 သမုဒယသစ္စာ ထဲကို ထည့်သလဲလို့ မေးရင် ဘယ်လို အဖြေ ပေးမလဲ။ ...?
အကျိုးတရားကို ဘယ်နှယ့်ကြောင့် သမုဒယထဲ ထည့်ရတာလဲ။
ဘယ်လို အဖြေ ပေးမလဲ။

စဉ်းစားကွဲ့နော်။
ဒါတော့ တဏှာ က အကြောင်း ကွဲ့။ တဏှာ ဥပါဒါန်က အကြောင်း မရဘူးလား။ ကဲ... ကံက အကျိုးတရား။
အကျိုးတရား ဒုက္ခသစ္စာ။
သမုဒယသစ္စာထဲ ဘယ်လို ထည့်တာလဲ ပြန်စဉ်းစားဖို့ မကောင်းလား။

ဒါတော့... သူ့ကို သမုဒယထဲ ထည့်တော့ အကျိုး မရှာရဘူးလား။
အကျိုးရှာ.... ဇာတိ ဆိုတဲ့ ခန္ဓာ မရလား။
အဲဒီ ခန္ဓာကို သစ္စာ ဖွဲ့တော့ ဘာသစ္စာလဲ။
သြော် ဒုက္ခသစ္စာ။
ဒုက္ခသစ္စာ ... ဒီကံကြောင့် ဖြစ်တာကိုး။
ဇာတိဆိုတဲ့ အကျိုးတရား ထောက်တော့ ကံက အကြောင်းတရား။
သမုဒယသစ္စာ မရလား။

တဏှာ ဥပါဒါန် ထောက်ကြည့်တော့ ကံက အကျိုးတရား မရလား။
ဒုက္ခသစ္စာ။
စိစစ်ဖို့ မကောင်းလား။
ဒါကြောင့် စေ့စေ့စပ်စပ် ခန္ဓာသိဖို့ လိုတာကွဲ့။
ကိလေသဝဋ် သိဖို့ လိုတယ်။ ကမ္မဝဋ် သိဖို့ လိုတယ်။ ဝိပါကဝဋ် သိဖို့ လိုတယ်။ ကြားလား။

ဒါမို့ ဆရာတော်ဘုရားကြီးက မိမိကနေပြီးတော့မှ သူခိုး အစစ်ကို မဖမ်းမိဘူး တဲ့။ကြားလား။
သူ ဖမ်းတာ ... ပန်းတိမ် မှာပဲ သွား သွား ဖမ်းတယ်တဲ့။
ရွှေတွေ ဘာတွေ ပျောက်တဲ့ အခါလေ။

ပန်းတိမ် သမားက ကံနဲ့ မတူလား ကွဲ့။
လက်သည် ရှာကြည့်တော့ တဏှာ ဥပါဒါန်လို့ မဟောဘူးလား။
ဥပါဒါနပစ္စယာ....?၊ (ကမ္မ)ဘဝေါ ၊

ကဲ ဥပါဒါန်သာ ချုပ်ရင် ဒီကံ လာဦးမလား။
ဒါတော့ တရား အားထုတ်တာ ဥပါဒါန် ချုပ်ဖို့ လိုတာ။
ဒီလို စိစစ်ဖို့ မကောင်းလား။
ဥပါဒါန် ဆိုတာ လိုရင်းကတော့...
ဥပါဒါန်ဟာ တဏှာကြောင့် ဖြစ်တာ။
ဒါကြောင့် တစ္ဆေ ကြီးတော့ သရဲ လို့ မဟောဘူးလား။
တဏှာကြောင့် ဥပါဒါန် ဖြစ်တာဗျား။ အဲလို စိစစ်ဖို့ လိုတယ်နော်။

ဒီလိုဆိုတော့ကာ တဏှာ ဥပါဒါန်က ဝဋ်အနေနဲ့ ဘာဝဋ်လဲ။
ကိလေသဝဋ်။
ဟိုက ကမ္မဘဝက ... ကမ္မဝဋ်။
ကာယကံ ဝစီကံက ကမ္မဝဋ် မနေဘူးလား။
ဇာတိ ဇရာ မရဏက အကျိုးတရား ဝိပါကဝဋ်။

ဇာတိ ဇရာ မရဏကို ထောက်ပြီးတော့ တဏှာ ဥပါဒါန် ကံကို ....
အဲဒါ သမုဒယလို့ သစ္စာ ဖွဲ့ရတယ်ကွဲ့နော်။

ဝဋ် အနေကျတော့...
တဏှာ ဥပါဒါန်က ကိလေသဝဋ်။
ကမ္မဘဝက ကမ္မဝဋ် မဟောဘူးလား။

အဲဒါကြောင့် တဏှာ ဥပါဒါန်ကို ပြန်ကြည့်တဲ့အခါ....
ကမ္မဝဋ်က အကျိုးတရား ဒုက္ခသစ္စာ။
တဏှာ ဥပါဒါန်က အကြောင်း သမုဒယသစ္စာ။
ဒီလို မနေဘူးလား။

ဇာတိ ဇရာ မရဏ အကျိုးတရားကို ထောက်တော့ ကမ္မဝဋ်က သမုဒယသစ္စာ ဒီလို မယူဘူးလား။

သူ့ကို ထောက်ကြည့်တော့ သမုဒယ ။
ဤနှစ်ခုကို ကြည့်တော့ သူက အကျိုး ဒုက္ခပေါ့။
အဲလို ယူလို့ မရဘူးလား။
သူ့နေရာနဲ့သူ နားလည် ဖို့ လိုတယ်နော်။
သိမှ ပယ်နိုင်တာ။

ပဋိစ္စသမုပ္ပါဒ် ဟောတာလေ။ အဲလို စိစစ်ဖို့ မကောင်းလား။
ထိထိမိမိ အဲဒါ သဘောပေါက်ဖို့ လိုတယ် ကွဲ့။

ကျေးဇူးတော်ရှင် မုံလယ် ဆရာတော်ဘုရားကြီး။
အဂ္ဂမဟာကမ္မဋ္ဌာနာစရိယ ဘဒ္ဒန္တ သံဝရ။
မိုးကုတ်ဝိပဿနာ ကမ္မဋ္ဌာနာစရိယ။
မွှေ့လယ် ၁၀-ရက် တရားစခန်း။

ရှေးတိပ်တရားတော် mc.06မှ အသံတော် အတိုင်း စာစီပူဇော်ပါသည်။
အရှင်တေဇနိယ မုံလယ်ဇ