ရုပ်တရားကြီးကိုပြန်စိစစ်။ ထိထိမိမိ လေ့လာဖို့၊ ဘယ်လိုတွေလေ့လာရမှာလဲ။ ကိလေသာဖြစ်တာ မဖြစ်တာစိစစ်ဖို့လိုတယ်။ ဥပမာအားဖြင့်၊ အမျိုးသမီးလေးတယောက် အမျိုးသားလေးနဲ့ ဘဝရေစက်ဆုံပြီးတော့ လင်မယားဖြစ်သွားကြတယ်။ ခုနှစ်နှစ် ရှစ်နှစ်လောက်ပေါင်းသင်း ဆက်ဆံပြီးတော့၊ သားသမီးလေးငါးယောက် လောက်မွေးလာတယ်။ စားဝတ်နေရေးကမပြေ၊အစားတွေကတိုး အလုပ်ကလျော့၊ အစားတွေကတိုး အလုပ်ကလျော့ လင်မယား ရန်တွေ့တော့တာ။ ယောက်ျားလည်း လုပ်ရတာပင်ပန်းလို့ခံပြင်းပြီ။ ဥစ္စာဖြိုစားဖိုက။ ဥစ္စာဖြိုစားဖိုက၊ မီးဖိုက အားကြီးသုံးတာ။ မယားကလည်း မသုံးပဲနဲ့အသုံးလို့ပြောတော့-ခံပျင်းတာ။ မောင်ရယ် ဖျင်းလို့ အရှေ့အိမ်က ကိုဝတို့ကြည့် လူ-စားအိုးဆယ့်နှစ်ယောက်ရှိတယ်။ ငါတို့က ခုနှစ်ယောက်ရှိသေးတာ၊ သူတို့စားတာကြည့်စမ်း၊ မောင်ကဖျင်းလို့။ခံပြင်းတော့ ရန်တွေ့ပြီ။ လင်မယား ရန်တွေ့တာ ကွဲကြတော့တာဟေ့။ လင်မယားကွဲတာ ချစ်လို့လား၊ မုန်းလို့လား။ မုန်းလို့။ နှစ်လ၊ သုံးလကြာပြီ။ မိန်းမဘက်ကဆွေမျိုး ယောက်ျားဘက်ကဆွေမျိုး မိတ်သင်္ဂဟတွေ ။ကဲ ပြန်စေ့စပ်ရအောင်ဟေ့ မင်းကမိန်းမဘက်က တာဝန်ယူ၊ ငါက ယောက်ျားဘက်က တာဝန်ယူမယ်၊ ရေလည်ပတ်လည်ပြောရတာ။ မင်းတို့ရန်တွေ့တာ ဘယ်နှစ်ကြိမ် ရှိပြီလဲ။အခု တကြိမ်။ ငါတို့ လေးကြိမ် ရှိပြီကွဲ့။ ခုမှနေသားကျသွားတာ၊ မင်းတို့ တစ်ကြိမ်တစ်ခါတော့ သည်းခံဦးမှပေါ့၊ ငါတို့ လေးကြိမ်ရှိပြီ၊ ခုမှနေသားကျတာ။ တစ်ကြိမ်တစ်ခါတော့ သည်းခံမှပေါ့။ မင်းတို့ ထမင်းစားတဲ့အခါ လျှာနဲ့သွားမကိုက်မိဘူးလား-ဘာဖြစ်လို့ကိုက်တာလဲ။ မတော်လို့ဗျာ အခုလည်း မတော်လို့ဖြစ်တာတော့ သည်းခံဦးမှ။ အဲဒီလို ရေလည်အောင်ပြောတော့ကား ပြေပြစ်မသွားဘူးလား။ လင်မယားပြန်ပြီးတော့ မပေါင်းမိဘူးလား။ အဲသည့် အမျိုးသမီးနဲ့ အမျိုးသားမှာ မုန်းစရာပါရင် ပြန်ပေါင်းလို့ရ-မရ။ မုန်းစရာပါသလား၊ ဟော ချစ်စရာသာပါမယ်၊အမျိုးသမီးနဲ့ အမျိုးသားမှာ ချစ်စရာပါရင် ရန်တွေ့တယ်လို့ ဘယ်တော့မှမရှိဘူး။ ချစ်စရာကားပါရဲ့လား။ ချစ်စရာမပါလို့ရန်တွေ့တာ၊ ဟင်-ချစ်စရာပါ ရန်တွေ့ပါ့မလား။ မုန်း--- လင်မယားကွာတယ်ဆိုတာ။ ချစ်လို့လား-မုန်းလို့လား။ မုန်းစရာပါရင် ပြန်စေ့စပ်လို့ရပါ့မလား။ မုန်းစရာမပါဘူး။ သူ့စိတ်ကလုပ်တာ မုန်းတာ၊ ချစ်တာ သူ့စိတ်ကလုပ်တာ။ အဲဒီစိတ်ကို မြင်အောင်ကြည့်။ အဲဒီစိတ်ကိုမြင်ဖို့လိုတယ် စဉ်းစားဖို့မကောင်းလား။
အဲဒီစိတ်က ဘာနဲ့တူသလဲ။ အိပ်မက်ပမာဏ။ အိပ်မက်ထဲမှာ ရွှေအိုးရလို့ မက်တဲ့ပုဂ္ဂိုလ်တွေမရှိဘူးလား။ သိန်းထီပေါက်လို့မက်တဲ့ပုဂ္ဂိုလ်တွေမရှိဘူးလား ။မနိုးခင်ကြား စိတ်ကူးမယဉ်လား။ စိတ်ကူးယဉ်တာကွဲ့။ အမေရိကန်ဒေါ်လာ တစ်သိန်းလောက် ပေါက်ကြည့် ၊တစ်သိန်းဆုလေ။ ကဲ မနိုးခင်ကြား တိုက်ဆောက်ဖို့အစီအစဉ် မထားဘူးလား။ ကားကဘယ်ကားဝယ်မယ်၊ ဘယ်ဟာ ဘယ်လိုလုပ်မယ်၊ အချိုးကဘယ်လို။ လက်သမားတွေငှား၊ ပန်းရံသမားတွေငှား၊ စိတ်ကူးယဉ်။ အဲဒီထဲက ဘွားခနဲ နိုးသွားတော့တာ။ ကိုယ့်စိတ်ကူးအတိုင်း ဖြစ်ကဲ့လား။ ကဲ ဒါ တစ်ကယ်ရှိလို့လား၊ မရှိလို့လား။ ကဲခု မုန်းစိတ်၊ ချစ်စိတ် သူ့စိတ်မှာဖြစ်တာ အိမ်မက်ပမာဏ၊ မျက်လှည့် ပမာဏ၊ တကယ်ရှိတဲ့တရား ဟုတ်ကဲ့လား။ အဲဒီလို စဉ်းစားဖို့ မကောင်းလား။ ဒီလိုဆိုရင် ရာဂ၊ ဒေါသ၊ မောဟ ဖြစ်ဖို့လိုသေးသလား။ အဲဒါကြောင့် ချစ်စရာမပါ၊ မုန်းစရာ မပါတာ ယုံရဲ့လား။ ယုံရင် မြင်တိုင်းမြင်တိုင်း၊ နိဗ္ဗာန် တဒိုင်းဒိုင်း၊ ကြားတိုင်းကြားတိုင်း တဒိုင်းဒိုင်း စဉ်းစားဖို့မကောင်းလား။
ဟေ့ သူခိုးမသား ဟေ့ ခွေးမသား၊ ဟိုကစိတ်ဆိုးပြီ။ တရားမလေ့လာတဲ့ပုဂ္ဂိုလ်၊ ရုပ်ကိုလည်းမသိ နာမ်လည်းမသိ၊စိတ်ဆိုးပြီ။ စိတ်မဆိုးဘူးလား။ စိတ်ဆိုးတာ ကုသိုလ်လား၊ အကုသိုလ်လား။ ဝါး- ကိုယ်ကျိုးနည်းပြီ။အကုသိုလ်ဟေ့ ကိုယ်ကျိုးနည်းပြီ။ ကဲ သုတဝါ အရိယာသာဝကော သုတအကြားအမြင်ရှိတဲ့ပုဂ္ဂိုလ် ကြားရင်သတိလို့ မဟောဘူးလား။ သူခိုးမသားလား။ အသံလား။ ခွေးမသားလား၊ အသံလား။ အသံလို့ ကြားတဲ့အချိန်ခွေးမသားတွေ့ရဲ့လား။ သူခိုးမသားတွေ့ရဲ့လား။ဟော အသံ-စဉ်းစား။ အဲသည့်အသံထဲမှာ အသံလို့ကြားတဲ့အခါ စိတ်ဆိုးစရာလိုသေးရဲ့လား။ ချစ်စရာလိုသေးရဲ့လား။ မုန်းစရာလိုသေးရဲ့လား။ အာ အသံ အဲဒီအသံထဲမှာ စိတ်ဆိုးတာ နှလုံးသွင်းမှားတာပေါ့။
အသံကို ခွေးမသားလို့ နှလုံးသွင်းမှားတာ သူခိုးမသားလို့ နှလုံးသွင်းမှားတာ။ နှလုံးသွင်းမှားတာ ဘယ်သူလဲ။ အဝိဇ္ဇာ ။ အဝိဇ္ဇာ ကြောင့် ငါဒီလို မခံနိုင်ဘူးဟေ့။ သင်္ခါရ ၊ ဝစီသင်္ခါရ ပါးစပ်ကပြန် ပြောတာ ၊ ဝစီသင်္ခါရ ပြောနေတာ ကြာတယ် ရိုက်တာ ကာယသင်္ခါရ၊ သင်္ခါရ မဖြစ်ဘူးလား။ သင်္ခါရပစ္စယာ ဝိညာဏံ၊ လောကအနေနဲ့ အချုပ်ထောင်ထဲသွား၊ ရိုက်မှု၊ ရာဇဝတ်မှုလေ၊ ကဲ ရာဇဝတ်မှုက ပြောလို့ ဆိုလို့ ရေလည်လို့ လွတ်လာခဲ့တယ်။ သေတဲ့အခါ အပါယ်က လွတ်ပါ့မလား။ လာဘ်ထိုးလို့မရဘူး အပါယ်က။သွားပြီ။
ကျေးဇူးတော်ရှင် အဂ္ဂမဟာကမ္မဋ္ဌာနာစရိယ မုံလယ်တောရဆရာတော်ဘုရားကြီး ဘဒ္ဒန္တသံဝရ အမေရိကန်နိုင်ငံတွင် ၁၃၆၇-ခု၊ကဆုန်လဆန်း ၈-ရက်၊တနင်္ဂနွေနေ့(၁၅.၅.၂ဝဝ၅)၊ည (၇)နာရီ အချိန်တွင် ဟောကြားတော်မူသော ခန္ဓာဉာဏ်ရောက် ဒိဋ္ဌိဖြုတ် တရားတော်။ မှစာစီပူဇော်ပါသည်
မုံလယ်ဇ
No comments:
Post a Comment