---------------------------------
---------------------------------
အခု ဘုန်းကြီးတို့ အနေနဲ့ အသက် ကိုးဆယ့်နဲ့ တစ်နှစ်၊ တစ်နှစ်ထဲ ၀င်လာပြီ။ နာတယ်၊ ကျဉ်တယ်၊ ကိုက်တယ်၊ ခဲတယ်၊ ပူတယ်၊ အေးတယ်၊ ယားတယ်၊ ယံတယ်။ ထတဲ့အခါ ထူမှ ထနိုင်တာ။ စိစစ်ဖို့ မကောင်းလား။ ကဲ အနှစ်သာရရှိမရှိ။ မရှိတော့ဘူးနော်။ အနိစ္စလို့ မဟောဘူးလား။ ဘယ်လောက်များ ထင်ရှားသလဲ။ အနှစ်သာရ မရှိလို့ပေါ့ကွယ့်။ အနှစ်သာရရှိရင် ပျက်ပါ့မလား။ အနှစ်သာရမရှိဘူး။ အဲလို စိစစ်ဖို့ မကောင်းလား။
အခု နာတာ၊ ကျဉ်တာတွေ ဖြစ်ချင်သလား။ ကဲ ကျဉ်တာ၊ ကိုက်တာတွေ ဖြစ်ချင်သလား။ အဲဒါတွေက အကုန်လုံး ကိလေသာနဲ့ ပတ်သက်တဲ့ တရားတွေပေါ့နော်။ အဲဒါတွေဟာ ဘယ်မှာဖြစ်တာလဲ။ ပညတ်အာရုံမှာဖြစ်တာ။ ကိုယ့်သဘောအတိုင်းဟုတ်ကဲ့လား။ တရားရဲ့သဘောပေါ့။
အဲတော့ အနမတဂ္ဂ သံသရာက စပြီးတော့ မိုးကုတ်ဆရာတော်ဘုရား ဘယ်လိုဟောသလဲ။ ဆရာတော်သမားတော်တွေ ဘယ်လိုဟောသလဲ စိစစ်ဖို့ မကောင်းလား။ လေ့လာဖို့လိုတယ်။ ပညတ်အာရုံ၊ ပရမတ်အာရုံလို့ မဟောဘူးလား။ (ဟောပါတယ်ဘုရား)။
အဲဒါ ပရမတ်ကို လှည့်ကြည့်တဲ့အခါ မြို့ရွာတိုင်းပြည်တွေ တွေ့သေးရဲ့လား။ လူနတ်ဗြဟ္မာ၊ သတ္တ၀ါ တွေ့သေးရဲ့လား။ ကဲ ဘာဖြစ်လို့ မတွေ့တာလဲ။ ဒါ ပရမတ်ကို အာရုံပြုတဲ့အခါပေါ့။ လေ့လာဖို့ မကောင်းလား။ တွေ့တဲ့တရားက အနိစ္စမျိုး၊ ဒုက္ခမျိုး၊ အနတ္တမျိုးပေါ့။ အဲလိုလေ့လာဖို့ မကောင်းလား။ အနိစ္စတွေ့တဲ့အခါ အာရုံက အနိစ္စလို့ မပြလား။ သိတဲ့ဉာဏ်က အနိစ္စလို့ မသိလား။ အာရုံက ဒုက္ခလို့ မပြလား။ သိတဲ့ဉာဏ်က ဒုက္ခလို့ မသိလား။ အာရုံက အနတ္တလို့ မပြလား။ သိတဲ့ဉာဏ်က အနတ္တလို့ မသိလား။ အာရုံ အာရမ္မဏိက။
ကဲ အနိစ္စ၊ ဒုက္ခ၊ အနတ္တ တွေ့တဲ့အခါ နာမ်ရုပ်တွေ့သေးရဲ့လား။ နာမ်ရုပ်တွေ့တဲ့အခါ လူနတ် ဗြဟ္မာတွေ့သေးရဲ့လား။ ဉာတပရိညာ။ အနိစ္စ၊ ဒုက္ခ၊ အနတ္တ နာမ်ရုပ်တွေ့သေးရဲ့လား။ တီရဏ ပရိညာ။ အာရုံမှန်တော့ သဒ္ဓါမှန်တယ်လို့ မဟောဘူးလား။(ဟောပါတယ်ဘုရား)။ အနိစ္စ၊ ဒုက္ခ၊ အနတ္တ စုလိုက်တော့ ဖြစ်ပျက်လို့ မဟောဘူးလား။(ဟောပါတယ်ဘုရား)။ ဘာသစ္စာလဲ။ ချမ်းသာတဲ့တရားလား။ ဆင်းရဲတဲ့တရားလား။ သြော် ဆင်းရဲတဲ့တရားပေါ့။ အဲလို လေ့လာဖို့ မကောင်းလား။
ခြေစခေါင်းဆုံး တစ်ကိုယ်လုံး ရှာချင်သလိုရှာ သုခဆိုတဲ့တရား အပ်ဖျား တစ်ထောက်စာ တွေ့ရဲ့လား။ ဘာဖြစ်လို့ မတွေ့တာလဲ။ မရှိဘူးဆိုရင်၊ သုခအပ်ဖျားတစ်ထောက်စာ မတွေ့တာ မရှိလို့ပေါ့။ မရှိရင်တွေ့တဲ့တရားက ဆင်းရဲတဲ့တရားပေါ့။ ဒုက္ခအတိလို့ မပိုင်းခြားလား။ ပိုင်းခြားတဲ့ အခါကျတော့ သိပယ်လို့ ဟောမဟော။ (ဟောပါတယ်ဘုရား)။
ကဲ အဲလို သိတဲ့အချိန်မှာ သူ့ပေါ်မှာ လောဘ ကိလေသာ ဖြစ်ခွင့်ရရဲ့လား။
သိတယ်ဆိုကတည်းက နှလုံးသွင်းမှားတဲ့ အ၀ိဇ္ဇာ ချုပ်မချုပ်။ အ၀ိဇ္ဇာချုပ်ကတည်းက တဏှာ မသေဘူးလား။ ဥပါဒါန်လာသေးရဲ့လား။ ကိလေသ၀ဋ် မချုပ်လား။ ချုပ်ရင် တရားနာတာ၊ တရားအားထုတ်တာ ကိလေသ၀ဋ်ချုပ်ဖို့ အဓိကပေါ့။ ကိလေသ၀ဋ်ချုပ်ဖို့ အဓိကမဟုတ်ဘူးလား။
ဒါ ကိလေသ၀ဋ်ချုပ်ဖို့ ဟိုကိုဒီကို မျက်စောင်းထိုးစရာ လိုသေးရဲ့လား။ မလိုဘူး။ ခန္ဓာဖက်ကိုသာ လှည့်စမ်းပါ။ အဲလိုလေ့လာဖို့ မကောင်းလား။ အဲဒါ ထိထိမိမိ သဘောပေါက်ဖို့လိုတယ်။ ကိလေသ၀ဋ်ချုပ်ရင် ကမ္မ၀ဋ်ချုပ်တယ်။ ကမ္မ၀ဋ်ချုပ်ရင် နောက်ခန္ဓာ ဇာတ်မသိမ်းဘူးလား။ အဲဒါ နိရောဓလို့ မဟောဘူးလား။ (ဟောပါတယ်ဘုရား)။ ခန္ဓာမရှိတဲ့အတွက် မငြိမ်းလား။ ကိလေသာ မရှိတဲ့ အတွက် မအေးလား။ ငြိမ်းတဲ့သဘောနဲ့ အေးတဲ့သဘောကို ဘယ်လိုခေါ်မလဲ။ နိဗ္ဗာန်လို့ ခေါ်တယ်။ ကုလားလို နိုင်းဗာန်။ နိုင်း ဆိုတာ မရှိဘူး။ ဘာမရှိတာလဲ၊ ကိလေသာမရှိတာ။ ကိလေသာမရှိတော့ ခန္ဓာဘယ်က လာမှာလဲ။ စိစစ်ဖို့ မကောင်းလား။ အဲလို လေ့လာဖို့ မကောင်းလား။ အဲခါကျတော့ အပြောအဆို၊ အနေအထိုင်တွေ မူပြောင်းမသွားဘူးလား။
ကျေးဇူးတော်ရှင် အဂ္ဂမဟာကမ္မဋ္ဌာနာစရိယ မုံလယ်တောရဆရာတော်ဘုရားကြီး ဘဒ္ဒန္တသံဝရ
မန္တလေးတိုင်းဒေသကြီး ပုသိမ်ကြီးမြို့နယ် ရေတံခွန်တောင် မုံလယ်တောရဓမ္မရိပ်သာ အမှတ်-သုံး တိုက်ခွဲ ဓမ္မာရုံကြီးပေါ်တွင် ၃၊ ၁၊ ၂၀၁၁ခုနှစ်၊ နေ့လယ် တစ်နာရီခွဲ အချိန် နောက်ဆုံး ဟောကြားတော်မူခဲ့သော
လူစွဲ၊ မြို့စွဲ၊ ရွာစွဲ ဥပမာပြ ခန္ဓာဉာဏ်ရောက် ဒိဋ္ဌိဖြုတ် တရားတော်မှ စာစီပူဇော်ပါသည်။
No comments:
Post a Comment